ما معنى مقاومة الانسولين سؤال مهم جداً مقاومة الانسولين اومتلازمة الايض هي الباب الواسع لدخول مجموعة هائلة من الامراض المؤذية يبدأ الامر تدريجيا اذا كنا نكثر من تناول النشويات والسكريات معروف ان كل دة بيتحول في امعاءنا الى جلوكوز يسري في الدم فيطلق البنكرياس دفعات من هرمون الانسولين تكفي لنقل الجلوكوز دة الى مختلف خلايا الجسم لتحرقه وتحصل على الطاقة اللازمة لها.. لكن اذا كنا نأكل أكثر من حاجتنا من النشويات والسكريات هنا يقوم الانسولين بدور آخر وهو تخزين الفائض على شكل دهون في خلايا جسمنا.. دهون ثلاثية وبمرور السنين.. وعدم توقفنا عن النشويات والسكريات تمتلئ خلايا كثيرة في جسمنا عن آخرها وتصبح غير قادرة على استيعاب المزيد.. وكوسيلة للدفاع عن نفسها ترفض استقبال الانسولين اللي جايب لها الجلوكوز.. فيعود الانسولين به مرة اخرى الى الدم.. جسمنا لا يستطيع تحمل اكثر من 5 جرام جلوكوز في الدم في أى وقت ليل او نهار ويعتبر ما يزيد عن ذلك سم زعاف.. اللهاكبر.. طب والحل؟ .. يصدر المخ أمر للبنكرياس ان تفرز المزيد من الانسولين لاعادة المحاولة.. ويتكرر نفس الامر.. الخلايا الممتلئة ترفض استقبال الانسولين.. مفيش مكان ارجع.. ليعود بالجلوكوز مرة اخرى الي الدم.. فيتكرر نفس الامر مرات ومرات.. بين المخ والبنكرياس والانسولين والخلايا والدم.. في دائرة مفرغة.. وصاحبنا مديها ولا على باله لاحظ ان النشويات والسكريات بتسبب ادمان.. بتتحرق بسرعة فيجوع صاحبنا كل شوية.. يعني مش بس بياكل كتير.. دة كمان بياكل كل شوية وبين الوجبات.. عرض مستمر.. تاعب معاه كل اعضاؤه المسكينة ومش مخليها تاخد نفسها تستمر المشكلة دي سنين.. ويبدأ سكر الدم يرتفع ويرتفع وفي نفس الوقت الانسولين بيرتفع معه الى ان يصل الى 7 اضعاف الكمية الطبيعية..!!!
كل دة وصاحبنا مش واخد باله وعمال مديها نشويات ليل ونهار مش بيرحم نفسه.. مع ان كرشه ظهر.. وقبل كدة حصل ما هو أسوأ: اصبح كبده دهني ! وهذه هى الطامة الكبري.. لانه ممكن يتطور الي تليف الكبد والعياذ بالله وما يتلوه من ضرورة عملية زرع كبد او الوفاة ربنا يحفظكم مش كدة وبس.. دة كمان البنكرياس دخل فيه شوية دهون وتحول الى بنكرياس دهني !!!!! دهون البنكرياس بتسبب مشكلة خطيرة وهى انها بتكبس على نفس خلايا بيتا - المسئولة عن اقراز الانسولين - وبالتالي انتاجها من الانسولين بيقل.. دة غير ان خلايا بيتا من كتر استهلاكها ليل نهار بعض المصادر الطبية بتقول انها بتموت بالتدريج والبعض الآخر يقول انها بتعطب وتصبح مش شغالة.. هنا.. وهنا فقط يبدأ مرض السكر يعلن عن نفسه.. لكن للأسف بعد فوات الاوان يلاحظ صحبنا نزول مفاجئ وسريع في وزنه.. ويتزامن دة مع عطش شديد وجوع متواصل وتعرق وارهاق.. كل دي علامات ان البنكرياس بعد سنين من الخدمة الشاقة اللى صاحبنا انهكه فيها بالنشويات بلا رحمة.. تعب.. خلاص مبقاش قادر يفرز انسولين اكتر من كدة.. وبدل ما كان بيضاعف افرازه من الانسولين بدأ افرازه يقل.. ولما يقل فصاحبنا لما ياكل نشويات مفيش حاجة بتحرقها.. مفيش وسيلة مواصلات توصلها للخلايا.. فالخلايا لا يصلها طاقة فيشعر صاحبنا بالارهاق والتعب.. فيرسل المخ احساس بالجوع ليجبره على المزيد من الاكل.. فصاحبنا يجوع كل شوية.. ومفيش حاجة بتوصل للخلايا برضه.. فترتبك كل خلايا الجسم وتعاني.. تعرق.. عطش.. تعب.. انها حالة طوارئ دخل فيها الجسم او بمعنى اصح ادخله فيها صاحبنا اللي لا رحم نفسه من النشويات ولا فكر في يوم يقيس سكره عشان يلحق نفسه قبل ما يدخل في الموال دة.. مشاكل لا حصر لها تسببها مقاومة الانسولين.. لما ناكل نشويات كتير الجلوكوز بيلتصق بالكوليسترول وتصبح حبيباته اتقل في الوزن الكوليسترول نوعين.. نوع حبيباته كبيرة منفوخة خفيفة الوزن ودي لا تسبب اى مشاكل لانها بتطفة كالبالونة وهى بتمر في الشرايين.. ونوع تاني صغير الحجم ثقيل الوزن لما بيكون بكميات قليلة بيقوم بدور مهم.. حضرتك لما مثلا تتجرح تروح على طول الحبيبات التقيلة الصغيرة دى مالية مكان الجرح عشان تعمل تجلط للدم وتوقف النزيف..
لكن في حالة كثرة النشويات مع مقاومة الانسولين الجلوكوز الكتير دة بيلتصق بحبيبات الكوليسترول ويحولها الى النوع الصغير الثقيل باعداد كبيرة جدا.. وهنا تحصل مشكلة جديدة مكانتش عالبال.. الكوليسترول يتجلط على جدران الشرايين اثناء مرور الدم فيها ياعم الحاج انت بتعمل ايه.. مش هنا الله يكرمك.. هو دة جرح ؟ اه جرح.. ما هو كثرة مرور الانسولين.. ودي مادة حارقة على فكرة.. بتلهب جدران الشرايين.. فيروح الكوليسترول جاى ينقذ الموقف ويدهن مكان الجرح.. كما لو كان عربية اسعاف جاية تنقذ الشريان.. بس مرة في مرة الشريان حيضيق.. زى كدة سكينة المعجون.. بتكون طبقة خفيفة جدا لكن بتنشف بعد شوية.. في الشرايين بقى دة اسمه تصلب الشرايين ربنا يحفظكم. لكن تخيل لو الراجل النقاش فضل يدهن سكينة معجون مرة واتنين وعشرة وعشرين.. حتفاجأ بان الحيطة تخنت جدا وقربت تلمس الحيطة اللي قصادها هنا الدم حيلاقي صعوبة في المرور.. طب القلب يعمل ايه وازاى يقوم الراجل الطيب دة بتوصيل الدم لصوابع رجلينا؟ يضطر يدفع الدم بقوة اكبر عشان يعرف يمر من الشرايين اللي ضاقت ونشفت وومبقتش مساعداه خالص.. الاول كانت مرنة وبتساعده.. دلوقتي نشفت.. عشان كدة ضغطنا بيعلا.. القلب بيضطر لكدة.. امل يعني حيسيب صوابع رجلينا من غير دم؟ مين اللي حيوديلها اكسجين وغذاء غير الدم الناقل الرسمي الحصري؟
اذن الضغط العالي دة مش مرض.. وادوية الضغط غلط لانها بتمنع القلب من اداء مهمته.. ادوية غبية لانها من صنع الانسان.. وقلب ذكي لانه من صنع الخالق
صناعة الدواء عملية رأسمالية بحتة ومافيا عالمية تجنى ارباح اضعاف تجارة المخدرات.. بند واحد بس وهو ادوية الكوليسترول تعود عليهم ب 1.6 مليار دولار كل سنة.. مع ان ادوية الكوليسترول ثبت انها بتؤدي الي سرطان الكبد ومشاكل رهيبة ومع ان الكوليسترول مادة في غاية الاهمية وبتؤدي خدمات جليلة لا غنى عنها.. يكفي بس نعرف ان الكوليسترول هو مادة بناء الخلايا ومادة بناء هرمونات الجسم وغذاء رئيسي للمخ لا يستغنى عنه دقيقة واحدة.. عشان كدة ربنا خلى الكبد يفرز الكوليسترول بنسبة 90% ذاتيا والباقي من اكلنا 10% فقط لانه مش حيستنى لما حضرتك تقول.. لأ بيض لأ.. بيضة واحدة في اليوم.. لأ في الاسبوع.. وكل ما يردده الاطباء من شوية كلام عتيق حفظوه بدون فهم ايام الكلية وخلاص على كدة ويبدأ جهازنا المناعي يضعف ويبقى مش قادر يدافع عنا.. فتنتهز الفطريات الفرصة وتهاجمنا بسهولة في كل مكان.. على الجلد فنصاب بالتينيا والالتهابات الخلوية ومختلف مشاكل الجلد.. وفي زورنا وجهازنا التنفسي وامعاءنا.. الجسم كله بيبقى ملعب مفتوح للفطريات والبكتيريات اضلارة ونبقى مش ملاحقين على الامراض.. فتفرح شركات الادوية وتعمل لك بانوراما من الادوية والكريمات والاقراص والحقن على كل صنف ولون.. مكاسب لا حصر لها.. وانت ضحية ألة رهيبة دخلت بين تروسها برجليك.. دكاترة لا بيفهموك ايه اللي بيحصل وعمالين بس يكتبولك في روشتات وش وضهر وتحاليل وأشعات.. وصيدليات كل ما كانت روشتتك مليانة كل ما دة يفرحهم اكتر.. وشركات ادوية تجني الملايين في علاجات خاطئة تزيد الطين بلة.. وكل الفيلم الهندي دة اللي مش بيخلص لا يذكر لك فيه أحد كلمة واحدة عن السبب الحقيقي لكل الموال دة: النشويات معلش طولت عليكم.. بس السؤال دة اجابته محتاجة كتب لان مقاومة الانسولين هي الباب الجهنمي لدخول اغلب الامراض ... طب والحل الحل ان الناس ابوس ايديها تقيس السكر بصفة دورية.. على الاقل كل سنة مرة لو اكتشفنا ان سكرنا بيعلا نقدر بمنتهى البساطة نوقف السبب وهو النشويات ونتجنب الدخول في كل المتاهات دي بمجرد وقف النشويات كل حاجة تتصلح لوحدها.. السكر يتظبط ويبقى طبيعي.. الضغط العالي يتظبط ويبقى طبيعي.. وعشرات الامراض والمشاكل الصحية تختفي تماماً.. وجهازنا المناعي يرجع قوي تاني ويحمينا من الفطريات والميكروبات وصاحبنا اللي مفكرش يقيس سكره ابدا لغاية ما السكر استشري وبدأت تظهر عنده علامات الخطر اللي اتكلمنا عنها.. يلحق نفسه ويحاول ينقذ ما يمكن انقاذه من المتبقي من خلايا بيتا المنتجة للانسولين وسواءا حضرتك في البدايات وكنت حريض تقيس سكرك كل سنة او حتى اكتشفته بالصدفة.. او اتأخرت لغاية ما ظهرت عندك بالفعل علامات الخطر.. في الحالتين الحل بسيط.. وهو اتباع برنامجنا العلاجي الصحي